أجمل حاجه في الدنيا ................الأطفاااااااااال

أحمد ابن اعز صديقه ليه ميسو تؤام روحي

عمورة حته سكره و دمه عسل و اخو خلودي دودي دودي صاحبي

جوجو و حمودي اللي مليين حياتي بجد

و حمودي الراجل بتاعي اللي بيغيرعليه موووووووووت

فريده و اخيرا نطقت اسمي

عبودي و زي ما احب اقوله بندقتي

احمد و معاه مريومه اخته الشقيه

فريده و جومانا و فريده بقيت صاحبتي و بتهدد مامتها بانها هتقولي اذا حاولت تزعلها

سماء و عموره ولاد اغلي صديقه ليه ماجي

ده بقي خالودي دودي دودي صاحبي و اللي بنعمل حاجات كتير سوي اهمها نتفرج علي توم و جيري

خالد و مرمر

السكره حبيبه قلبي توته الزئتوته و نفسي تتكلم بقي و تنطق و اسمع اسمي منه

ا

هو ..و هي..

حديث دافيء

هو :ازيك وحشاني اووووي

هي :بجد كويس انت فعلا قاسي كل الشهور دي مش بتسأل

هو : سامحيني

هي : كنت محتاجه الكلمه دي وقتها و ان شاء الله بعدها تروح و لا تعرفنيش

هو : انا اسف نفسي ابوس علي رأسك ..سامحيني

هي : مسمحاك ..انت عارف ..انت ابني و الام مش بتعرف الا انها تسامح

هو : لسه بتحبيني

هي : لسه بتسأل

هو : اصلي مستغرب ..واحده زيك تحبني ليه ؟؟

هي : يعني ايه هو الحب فيه ليه

هو :انتي بنت ممتازة و قلبك كبير و حنينه اووووي و أنثي جدا ؟ يبقي انا ليه ؟

هي : مش كفايه اسئله ؟؟و بعدين تقول ايه بقي عبيطه ..و تضحك بصوت بائس

هو : انت ايه اللي خلاكي تسمحيلي اكلمك في الوقت ده بالذات تاني ؟

هي : مش عارفه ؟ مش عارفه ؟ محتجالك

هو : محتجالي انا ؟؟

هي : تاني أسئله ....المهم اخبرك ايه ؟؟

هو : وحشه ..مش عارفه مش عارف..كله متلخبط ..البيت ..الشغل

هي : محبش اسمع كده لازم تبقي احسن انسان في الكون

هو : تصدقي ..حسيت اني فوقت لما كلمتك ..بحبك..بحبك اوووي

هي : و انا كمان بحبك ..و عمري ما هحب و لا حبيت حد قد ما حبيتك

هو : عشان خاطري ما تبعديش ..عارف اني اناني بس بحاول مكنش كده

هو : خليكي قريبه مني

هي : بصمت ..وافقت

**************************************************************************************

حديث حب

هي :صباح الخير ايه مش باين

هو : ازيك يا قمر وحشاني

هي : تسكت قليلا ..و تقول انت فين ؟

هو : في البيت ..نايم

هي : طيب اسيبك ..سلام

تغلق الخط و ما تلبث الا و تضغط باصابعها رقمه مجددا

هو : ايه في حاجه ؟

هي : مش عارفة هحاسه بحا جه من ايام مش عارفه ايه

هو : و بلهجته الساخره التي تحبها هي :مالك يا بنت النهارده ؟

هي :حاسه اني مش خايفه اول مره في حياتي احس بالامان

هو : عشان اول مره تسمحي لنفسك تحسي انك قريبه مني

هي : قاطعته قائله .................بسبب قربي منك ..انا مش خايفه انا مش خايفه .و ظلت تضحك

هو : طيب الحمد لله ..ان شاء الله مش هتحسي بخوف تاني

*************************************************************************************

حديث الوداع

هو : ازيك عامله ايه يا حببتي

هي : مين ؟ ايه ؟ فين ؟ و تضحك بهستريه

هو : انا مشلول حتي مش قادر امسح دموع اغلي انسانه في الكون

هي :و بتحدي لذاتها ..مين قال اني محتاجه حد يمسح دموعي ..مفيش دموع اساسا عشان تتمسح

هو :سامحيني ..انا مجبر

هي : لأ مش عايزة مجبر دي ..عايزة سعيد

عايزة اشوفك زي اول مره اتعرفت عليك فيها الولد الشقي اللي الدنيا مش هماه ::و تضحك ضحكتها المعهودة

هو :كرهتيني ..؟؟؟؟؟؟؟؟

هي : اللي يحب ميعرفش يكره ..و بعدين قلت لك انت مش حبيبي و لا صاحبي ..انت ابني عارف يعني ايه ابني

هو : يصمت طويلا

هي : مالك ؟؟

هو : مش عارف ..مش عارف

هي ؟ لأ لازم تعرف ..احمد ربنا ان عندك حد تعيش علشانه ..انا معنديش

بس انا قويه ..انت شوفت و قربت و عرفت قد ايه انا رقيقه لكن انا قويه و هرجع انا و هقدر

هو : كويس انك هتقدري

هي : صدقني هقدر

هو : يصمت ثانيا ..طويلا

هو : انا ظلمتك

هي : لو ظلمتني يبقي انا ظلمتك انا كمان

هو : حلوه المحاوله دي

هي : مش محاوله انا عمري غشيتك دي الحقيقه ..صدقني

هي :تمنع نفسها من التصريح لاخر مره بحبها له ..و تصمت هي الاخري

هو : بحبك

هي : ميرسي

نبتدي منين الحكايه

حكايه بقيت بسمعها كتير

و باشكال كتير

بس المضمون تقريبا واحد

من فتره لاقيت وحده صاحبتي بتتصل بيه في التليفون بتقولي فاضيه نرغي قلت لها فاضيه

هي مش صديقه بس اتعرفنا في كورس كده و بعدها جت الظروف و اشتغلنا مع بعض

مش اصحاب يعني استغربت المكالمه ..بس يظهر انها كانت مش لاقيه حد تفضفض له

قالت لي عايزة اخد رايك في حاجه

واحد متقدملي ..قلت خير ..قالت لي متجوز ..قلت يا خبر هو القصه دي مش هتخلص اصلي سمعتلي حوالي عشر خمستاشر قصه من دول

قلت له ليه ..اقصد ..ايه ..فين ..مين ..و بعدين

قالت لي و بدات في العياط المرير ..يا بنتي ما تحكي بتعيطي ليه

و عياااااااااااااااااااااااااااااط لدرجه الانهيار ..انا مش موافقه ..طيب خلاص يبقي بتعيطي ليه ؟؟؟

قالت لي مش عارفه ..قلت لها لأ عارفه

قالت لي مش هوافق مش هقبل اني اتجوز حد مجوز و لا اخد واحد من مراته و لا ولاو لا و خدوا عندكم ساعه من ده

طيب اومال فين القصه ..القصه اني كنت فاكره انه حد كده اي كلام و حد حد عايز يلعب وواخدها سكه ..لكن المفاجاه اني طلعت اعرفه قالتي لي فضلت المح لك و انتي مش فاهمه ليه ...اتخضيت مين .؟؟؟

قالت لي ايوه الدكتور فلان ..دكتور معداش 35 سنه كان معانا في كورس كده ممتاز و شغله فوق الممتاز كان صدفه بيحكي لنا علي مراته بكل ود و حب و احترام

طيب في ايه يا بنتي ..معقوله مش ممكن مش مصدقاه ..طيب ليه ؟؟

قالت لي بعد ما اتعرفنا بمده لاقيته بيقولي بحبك

قلت لها و بعدين ..سافر 3 شهور و مديني فرصه افكر عشان لما يرجع يفاتح مراته

كمان ..هو هيقولها ..ايوة هو مش هيتجوز من وراها هو ما يعملش كده

و هيقوله ايه ؟؟هيوقلها محتاج اتجوز تاني ؟؟

و بعد انهيار و بكا و صوااااااات ..بس انا مش موافقه ..و هقوله ابعد نهائي عني

لاقيت نفسي بدوخ و الله ..يا خبر ..البنت هتموت

هي كمان عندها مشاعر و نص شبابها راح و الباقي في طريقه يروح ..حتي فرصه انها يكون عندها اطفال بدات تتلاشي ؟؟

طيب و بعدين .؟؟؟ هم الرجاله عايزين ايه ؟؟ليه بيعمل كده ؟؟اولا في مراته ..ثانيا في بنات الناس ؟؟

طيب ناس هتقول مش حرام ؟؟؟و ناس هتقول كده افتراه علي مراته طبعا؟؟

و بنات تقول استحاله ؟؟و بنات تقول مش احسن من الوحده ؟؟

و ناس تقول ده حل ي وقت صعب زي ده؟؟و ناس تقول دي مجرمه و خرابه بيوت هتاخد واحد من مراته ...

و ناس تقول و ناس تقول

بس اللي عملته صاحبتي ؟؟انها بعدت فعلا ..بس شوفتها بعدها بكام شهر صدف في الجامع كنت داخله اصلي ..قلت لها ازيك وحشتيني عامله ايه ؟؟ردت بكلمه واحده

...عايشه

أيام ..ورا أيام

أيام و بتعدي

كلها أيام

ساعات تعدي معانا

ساعات تعدي بينا

بس الاكتر تعدي فوقينا

تدوسنا

تحرمنا

أيام و لازم نعيشها

مكتوب نعيشها ..في حل تاني

اللي عنده حل تاني يقول

نقدر أزاي نعدي الايام الصعبه غير اننا نعيشها و خلاص

مش بقولكم أيااااااااااااااااااااااام مكتوب نعيشها .....و لازززززززززززززززززم تتعاش

أجمل زهرتين في حياتي

منّ الله عليه في الايام الاخره باني اتعرفت علي بنوتين بقوا هم الاتنين اجمل زهرتين في حياتي

يااااااااااااه قبلهم كنت في الشغل الايام بتعدي بطيئه و ممله

دخلوا حياتي في الشغل اولا ..و بعدها علي طول اقتحموا حياتي كلها

انا معنديش اخوات بنات ..بس هم بالنسبه لي مش اخواتي لا هم بناتي

و لما بقولهم كده بيقولوا متكبريش نفسك ...طبعا بيجاملوني

بجد بجد من نعم ربنا عليه دخولهم حياتي

لما بشفهم بيتكلموا ممع بعض بضحك بجد علي تعليقاتهم

و لما بشوفهم بيحبوا الدنيا بحاول اني احبها

بيخرجوا معايا ..او بصراحه انا اللي بقيت اخرج معاهم لان صديقاتي كلهم مش موجودين في مصر من فتره

ساعات اقسي عليهم .......بس مش بيزعلوا

ساعات مبقاش قادره اعمل اي حاجه في الدنيا ..الاقيهم بيشدوني اعملها معاهم و عشانهم

ساعات ببقي مزاجي وحش اوووي ..بحاول اغيره معاهم

بس بجد ربنا يكون في عونهم اني اتحطيت في طريقهم

هم ما شاء الله وردتين لسه بيفتحوا

و انا بقي اتعرفوا عليه في وقت مش حلو من حياتي

بس حقيقي هم زهرتين حياتي حاليا ..و لو لاهم كانت حياتي تبقي اصعب كتير

بحمد ربنا علي تعرفي عليهم و نفسي اشوفهم أسعد بنوتين في الوجود

ربنا يسعد قلبهم داٍِيما و يفضلوا زهرتين في حياتي

النور

أصبحت اليوم و لا اجد نوري

أنطفا النور بداخلي

نور ظل معي سنوات عمري بأكمله

كان من عادته ان يقل أحيانا ........أو يزيد احيانا

يوشك احيان اخري علي الزوال ..و لكن كان دائما يبقي

أما اليوم فقد نظرت داخلي فلم اجده ..ضاع نوري

فهل سيأتي يوم و يعود ...اتمني

الحمد لله

الحمد لله رب العالمين

مرت بظروف صعبه اوي الاسبوع اللي فات

ربنا امتحني في حاجه صعبه شويه بس الحمد لله عدت علي خير

كنت فاكره اني تعبانه تعب بسيط ..لاقيت الموضوع في ايام بيكبر

و زعلت اوووي و مين غير تفاصيل دكتوريه هههههه

1. اقولكم ان ربنا قالي احمديني وقضاء اخف من قضاء

الحمد لله رب العالمين

و استغفره و اتوب اليه من كل ذنب ..و احتسب ما مريت بيه و ما أمر بيه تكفير عن ذنوبي

احمدك ربي و اتوب اليك ..و استغفر الله العلي العظيم من كل ذنب

الكنز

كل واحد منا عنده كنز

اجمل الكنوز هي اللي بتتشال فترات طويله من الزمن

زي ما بيقولوا ..كل ما تتدفن تبقي قيمتها اكبر

كنت ..و لا زلت اقول ان اجمل كنز هوالمشاعر

اغلي كنوز البنت هو مشاعرها

قلبها ..احاسيسها ..يااه بس مين يفهم و يقدر

بس مين يعرف الايام دي ..في زمن الزيف و الكدب و الخداع

الكنز عند البنت ..هو اول دقة قلب بجد

هو اول احساس جواها بالحب

هو اول كلمه بحبك تقولها

هو اول نظرة مليانه حنيتها لحبيبها

هو خوفها عليه ..انتظرها له ..

رعبها اذا حصل له اي حاجه ولو بسيطه

الكنز ...هو شوقها ليه و هو معها

هو ..و هو ....وهو و مش هلاقي وصف

الكنز هو املها في انها تلاقيه ..حتي مع استحاله ده

الكنز هو الحب الحقيقي

و لما تلاقي حد تديله كنزك ..ابقي خد بالك ..عشان هو كنزك

يا تري في حد لسه عارف ان في شيء اسمه كنز في الدنيا اللي احنا عيشنها

و في حد يستاهل نديله كنزنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كن صديقي

كن صديقي.كن صديقي

.كم جميل لو بقينا أصدقاءإن كل امرأة تحتاج أحياناً إلى كف صديق.

.وكلام طيب تسمعه..وإلى خيمة دفء صنعت من كلمات لا إلى عاصفة من قبلات

فلماذا يا صديقي؟.

تهتم بأشيائي الصغيرة

ولماذا..

. لست تهتم بما يرضي النساء؟

كن صديقي.كن صديقي.

إنني أحتاج أحياناً لأن أمشي على العشب معك..وأنا أحتاج أحيانا لأن اقرأ ديواناً من الشعر معك..

وانا

كامرأة- يسعدني أن أسمعك..فلماذا –أيها الشرقي- تهتم بشكلي؟..ولماذا تبصر الكحل بعيني..ولا تبصر عقلي؟

إنني أحتاج كالأرض إلي ماء الحوار

.فلماذا لا ترى في معصمي إلا السوار ؟.ولماذا فيك شيء من بقايا شهريار؟

كن صديقي.كن صديقي

.ليس في الأمر انتقاص للرجولة غير أن الرجل الشرقي لا يرضى بدورٍغير أدوار البطولة

..فلماذا تخلط الأشياء خلطاً ساذجاً؟.

ولماذا تدعي العشق وما أنت العشيق

..إن كل امرأةٍ في الأرض تحتاج إلى صوت ذكيٍ..وعميق.وإلى النوم على صدر بيانو أو كتاب.

فلماذا تهمل البعد الثقافي..وتعنى بتفاصيل الثياب؟

كن صديقي.كن صديقي

.أنا لا أطلب أن تعشقني العشق الكبيرا

لا ولا أطلب أن تبتاع لي يختاً..وتهديني قصورا..لا ولا أطلب أن تمطرني عطراً فرنسياً ..

وتعطيني القمرهذه الأشياء لا تسعدني

..فاهتماماتي صغيرةوهواياتي صغيرةوطموحي ..

هو أن أمشي ساعاتٍ.. وساعاتٍ معكْ.تحت موسيقى المطر

..وطموحي، هو أن أسمع في الهاتف صوتكْ..عندما يسكنني الحزن ...ويبكيني الضجر

كن صديقي.كن صديقي

فأنا محتاجة جداً لميناء سلام وأنا متعبة من قصص العشق، وأخبار الغرام

وأنا متعبة من ذلك العصر الذيي عتبر المرأة تمثال رخام.

فتكلم حين تلقاني ...لماذا الرجل الشرقي ينسى،حين يلقى المرأة، نصف الكلام؟.

ولماذا لا يرى فيها سوى قطعة حلوى..وزغاليل حمام.

.ولماذا يقطف التفاح من أشجارها؟..ثم ينام

أريد ان اكون المكرّمة

كان بداخلي الكثير

عن ما اريده في كوني أمراه تريد ان تشعر انها مكرّمة في دنيا تناست الناس فيها الفرق بين

الرجل و المرأة

أريد ان اشعر بحقي في الاحترام كون الدنيا فرضت علّي العمل

اريد أن أشعر أني أمرأة كرّمها الله و لكن الظروف اضطرتها كالكثيرات ان تعول نفسها

أو كالكثيرات تعول أسرها ..فهل هذا ينقص من كوني امرأه كرّمها الله

السراب

سالت نفسي كتير

سألت اللي حواليا ..سألتكم يعني ايه الحب

كلمه من حرفين بس اعتقد كلنا أو اغلبنا بيعيش بيها و لكن يا تري حد عرف ايه هو الحب

في ناس قالوا الحب انك تدي اللي بتحبه كل كيانك

تتمناله اللي بتتمناه لنفسك و يمكن أكتر

تعيش و كانك بتتنفس عشانه ..عشان وجوده في حياتك

تحس ان في حاجات مشتركة بينكم حتي لو كان من الحاجات دي السماء

تقولولي السماء ..اقولكم ايوه لو حتي مفيش حاجه بينكم الا السماء يشوفها هو أنت تشوفها

بس احيانا يكون الحب ده زي السراب

عارفين اللي ماشي في صحرا .....ماشي ماشي ماااااااااااااشي و عطشان لدرجه الموت أو يمكن بجد للموت نفسه

و يلاقي من بعيد ميه ...يجري عليها عايز يعيش

بس هي للأسف مش ميه ...لأ هي سراب

واذا سألتوه يحلف أنها ميه .. و يفضل يجري عليها ..يمكن يقدر يوصل لها

يمكن عشان بس يفضل عنده أمل أنه يعيش ...يتنفس

هو مش كل انسان له حق في انه يتنفس ..صدقوني ساعات حتي الحق ده بيضيع

بس السؤال اللي عايزة له اجابه المره دي ...يا تري اللي يحب ممكن يكرهه

هجاوب أنا أول اجابه ..استحاله اللي يحب عمره ما يكرهه حبيبه ...حتي لو حبيبه بقي سراب

حزينه

حزينة حزينة حزينة انا

زعلت كتير فرحت كتير عشت حالات كتير

بس المره دي حزينه انا

حزينه حزينه حزينه

حاسه اني عايزة اغير اسمي و اقول اسمي حزينه حزينه

عايزة ...صدقوني مش عارفه

كل الكلام اللي جوايا مش لاقياه

حزينه انا ..هي الكلمه اللي جوايا

هي حالتي

حزينه حزينه

كلنا بنمر باوقات صعبه

بس المره دي صعبه اووووي

صعبة لدرجه الموت و انت عايش من صعوبتها

يا رب تعدي الايام دي علي خير

لاني يا رب حزينه حزينه حزينه اووووووووووووووووووووووووووووووووووووووووووووي

الضوء المزعوم

اري فيك ضوء النهار يسطع
تقول لي قومي هيا
ماذا يجلسك
اقول لك لا اريد القيام من مكاني تعودت ان ابقي جالسه
تقول لي بل هيا هيا
لتري الشمس حبيتي
اصدقك القول و اقوم معك
امشي و امشي معك
تظل تحكي لي عن ضوء ساطع سألقاه قريبا معك
اعتقد اني رأيته
و لكن كلا لم أراه و لكن خيل لي رؤيته
اقول لك أين ضوئي
تقسم بأنه سيأتي
تقول أمشي أمشي لقد أقتربنا
أترك نفسي لك لعلي أبلغ هذا الضوء المزعوم
و فجأة تتركني
و تقول لي أكملي ان الضوء أمامك لم يبقي الا خطوات
أنادي عليك لا تبتعد اني لا أري شيء
تقول بل هو أمامك قلت لكي اذهبي وحدك
اقول لك مترجيه أياك تعالي خذ بيدي
فلا تنظر لي
اقول لك أرجعني لمكاني أجلس كما كنت
فلا اجدك
بل أجد خيال انسان يبتعد و يتركني
انادي عليك

ارجوك اتوسل اليك اعدني مكاني لا أريد هذا الضوء المزعوم
لا ترد عليأ

اجدني تائهه حائرة و لكن
يجب أن أكمل مشواري ..وحدي ثانيه
ليتك لم تأتي

الأمان

كل منا يحتاج للشعور بالامان

ما اصعب ان تحيي حياتك خائف ووحيد

ليس كل من يشعر بالوحدة من يعيش وحده بلا اهل او اصدقاء او معارف و لكن اصعب الوحده هي ان تحيا وسطهم و بدونهم

الشعور بالامان يعطيك الطاقة لتفعل ما لا تشعر انك تستطيع فعله

و لكن الشعور بالخوف شعور يهدمك لا تستطيع معه انجاز اي شيء حتي ولو كان بسيط

ما اجمل ان تجد من تشعر معه بالامان

و ما اصعب ان يضيع ذلك الاحساس لضياع هذا الانسان

و لكنها الدنيا لا تعطينا ابدا ما نريد وقتما نريد

عم احمد

لا مش قصدي عم احمد اسم الفيلم

و لا اقصد اتكلم عن انسان مواطن مصري لشيوع الاسم

مع انه انساسن مصري بكل معاني الكلمه

في كل المتناقضات اللي في اغلبنا

الطيبه احيان كتير الشده احيان

تحبه اول ما تشوفه و تحس انه قريبك

هو كان .......ياااه يا عم احمد بقول عليك كان

اصله توفي من يومين الله يرحمه و يغفره و يدخله جناته بفضل منه ومغفره واسعه امين يا رب العالمين

مات بعد ما فضل عيان شويه اكتر حاجه تعبتني اني مقدرتش اروح اشوفه طول مرضه

مش هقول مبررات لكن هي الدنيا ااالي بتاخدنا في انشغال و انشغال عن اشياء و فجاه تلاقي نفسك مش ممكن تعرض اللي عدي ..تلاقي نفسك خسرت مقابله شخص عزيز و الكلام معاه نهائي

هي دي الدنيا و لا ده احنا اللي الدنيا لاهتنا عن اشخاص غاليين علينا

كنت بحبه قوي و ازعل منه ساعات و اصلحه بس دايما عارفه انه موجود

اكلمه بس ما اشتكيلوش لكن ما اضايق احب اسمع صوته و يقولي يا حببتي و يعاكسني و يقول هطمن علي بنتي و اجوزها قريب و بعدها هتجوزك علي طول انتي يا بنتي ايه ..دي العوره اتجوزت و ام مناخير اتجوزت و انتي يا قمر مالك بس و كان كلامه يموتني من الضحك

الله يرحمه و يرحمنا جميعا ..يمكن بكتب ده و هو ما يهمش ناس منكم عشان اقول اوعي تتاخر عن السؤال عن حد لانك فجاه ممكن ما تلاقيهوش ...عذرا للاطاله و الغم

و نفضل نتكلم عن الحب لغايه ما نتعب

اقصد لأ ما نتعبش

كل ما نتكلم نرجع نتكلم و نتكلم

اللي بيسال هو ايه و اللي بيسال ليه اتجرح

و الي بيسال ليه الناس تستسهل الكلمه و متعرفش هي قد ممكن ترفع انسان لفوق

و تنزل انسان تاني لتحل اوووووووووووي

زي ما اغنيتي هنا بتقول

تري ستقول يا عمري بانك كنت تهوني

و تعشق موجه اخري و تهجر دفء شطاني

و يسقط كالمني اسمي

و لا تعنيك احزاني

و لا تعنيك الامي

ولا تعنيك ولا تعنيك و لا تعنيك

اما هو الحب

الكائن المغرور الكائن الاناني

نعم هو الحب و لكن من منا يستطيع ان يمنعه من الاختراق

فهل ستقولون لي ما هو الحب

كلام بنات

لانجيري لانجيري لانجيري

اسفه لاستخدامي الللفظ ...لكن مش لاقيه غيره

كل البنات في الشارع لابسين لانجيري بس معدل

و بقي الانجيري عندنا نوعين

لانجيري هوووت

و لانجيري محجبات

اه و الله محجبات كمان و لابسين كده

كل ما امشي في الشاعر اقعد اتفرج علي اجمل الموديلات من الفساتين الصغنونه اللي طلعه موده و لو لا الملامه و يوقلو ا اتجننت كنت اشترت لي اتنين -اقعد بيهم في اوضتي طبعا-لكن لسه في بواقي عقل عندي

اللذيذ انك تلاقي البنات لابسينه و هم مش مكسوفين و الواحده من دول فرحانه بنفسها جدا عشان اموووره بقي اقصد بلغه العصر موزة

و بعدين تلاقي بنات حقيقي كويسين و تفكيرهم جميل و من عائلات محترمه لكن برضهمصرين يلبسوا كده

طيب و العيال اقصد الشباب الرجاله يعني يعملوا ايه يا عيني

مفيش امل يتجوزوا و لا بعد سنين والبنات كمان مش اي امل الدنيا بقيت صعبه

فطبعا العيال ماشيين في الشارع يتفرجوا و يملوا عنيهم هو لا يبقي جواز و لا فرجه ده حتي ما ينفعش

يعني كده البنات بتزود الفتنه اللي حصله

يعني احنا كبنات- اسمحولي اضيف نفسي في قايمه البنات مؤقتا- بنفسد المجتمع اكتر ما هو بايظ

بنزود الفتنه االلي حصله بكل صورها و الانحراف بكل اشكاله

اتمني حد يقراه ده و يحسه و يتغير المنظر في الشارع بقي

وربنا يرحمنا برحمته و يرضي عنا و يبعد عنا الفتن

قالت لي......ليتني كنت أنا

ليتني كنت انا من يتالم و لست انت
ليتني كنت انا من بي كل هذه الجراح
حبيبي اشفق عليك من ان تتألم
لانه من غيري تعرف معني الالم
ليتني انا من اكتوي بهذه النيران و انت لا
ما عرفت اني احبك الا الان
نعم احبك
لاني و مع كوني أمراه
الا انني اتمني لك السعاده حتي و لو مع من هي غيري
عرفت اني احب صدقا و ليس كلاما يتغني بيه الشعراء
تالمت نعم و انت تتكلم عنها
دق قلبي دقات غريبه
دمعت عيني
نعم نعم يحبها
كنت اعلم و لكنك قلتها
شعرت انا بها ..نعم تحبها
ليتني انا اتحمل عنك كل هذا
هاته عندي احمله عنك
لا اطيق ان اشعر بك تتالم حبيبي
لا اطيق
ليتني كنت انا

حد يقولي احنا مين ؟؟؟؟؟؟؟؟؟؟؟

اذا لسه في حد بيتفرج علي التليفزيون الارضي

اقصد مش الفضائيات

يا ريت يقولي

و اللي مش بيتفرج معلش يعصر علي نفسه لمونه و يقعد شويه يبص بصه

علي الاعلانات

اااااااااااه

انا اصلي من و انا طفله بحب مووت اتفرج علي الاعلانات

ندخل في الموضوع

القصه ببساطه اعلان حلو و منتشر من فتره

اسمه - وقفه-

يعني كله يقوم باالصلاه علي النبي يقف

تعظيم سلام

و الاعلان يقولك انتي يا ست اقفي

انت يا استاذ اقف

انت يا بيه اقف

احنا بيقينا كتير

في عيش بس انتم اكتر.............في فرص شغل بس انتم اكتر.....في جاتوه هههههههه بس انتوا اكتر

و الوقفه بقي اننا لازم نتأدب و نقلل العدد...ما هم كل شويه يعدونا عشان نقل و يبقي مفيش بركه بقي

أرررر يا بيه

نقلل عدد ايه هم العيال اقصد الشباب عارف يتنيل يتجوز ..و يا عيني نص اللي بيتجوزوا و الله مش عارفين يخلفوا

تلاقي اغلبهم ماشيين في سكك صعبه اشي اطفال انانبيب و اشي تلقيح ..طبعا من الاكل الفاسد

***************************************************************************************

بلاش غم بقي

تعالوا نشوف الاعلان التاني

اه و الله برضه عندنا

هاااااااااااااااااااااااااااااااااااااااااااااااااااااااااااااااااااااااا..ده اول الاعلان

ها يا توتي هتصيفي فين السنه ...امممم في بورت ........

و هتعملي ايه يا توتي

هصيف و هعمل شوووبنج ..و البنت اللي في الاعلان بقي هترقص مع اكبر نافوره ترقص

اول مره اعرف ان النافوره بترقص معلش اصلي من الفلاحين اخري الساقيه

ها يا توتي و شقتي هتتنظف لوحدها ..تقريبا في عفاريت الشر بره و بعيد

و توته هتروح السبا _spa_

وعشان خاطري لو حد يعرف ايه الفرق بين الاسبا و الجاكوزي و السونا يقولي لحسن حد يسالني و اطلع جهله

***************************************************************************************************

معلش اصلي مش فاهمه

اللي فاهم احنا مين يقولي

تفضل تبعد تبعد تلاقيك قريب

قالت لي0

ابتعدت عنه نعم ابتعدت

وضعت قلبي بيدي و هو يقطر دما و ابتعدت

و كلما ابتعد اشعر انني اقترب

قلت لها و لما العذاب

قالت هو العذاب في القرب و البعد

اذن فهم البعد

فالبعد ارحم من القرب

و لكني رايت في عينيها نظره من تاهت

قلت لها ..اكملي اعلم ان هناك المزيد

قالت اشعر بالاحتراق كثيرا حتي انني اصبحت مثل الجمره التي كلما تحترق تحترق اكثر

او كالسمكه و هي تتمايل علي الشواء ..تتقلب مره علي جانب لتريح الاخر ...ثم علي الجانب الثاني لتريح الاول

قلت لها و لما الاستمرار في كل هذا الم تقولي انك وضعت قلبك بيدك

قالت نعم اقسم اننني فعلت و لكنه لم يمت حتي الان

وضعته بيدي لاقطع عنه دماء و شرايين الحياه و لكنه لم يرغب بالموت

ما زال حيا ..يحب

اشيري علي ماذا افعل ..كيف اقتله

قلت لها اتريدين قتل جزء منكي

قالت حتي تعيش باقي الاجزاء ..لاستطيع ان احيا

قلت لها ..و هل سيعيش الباقي ؟؟

قالت لا حل لدي الا القتل

قتل كل شيء لا اجد غيره

نعم ساقتله ...لاعيش ..اعرف اني ساعيش جسدا بلا روح

روحا بلا هويه

و لكن يجب ان احيا لان الحياه فرضت علي

لا اجد ما اقوله لها ..تركتها و تمنيت ان اري دمعه تخرج من عينيها ..و لكني لم اري سوي مقلتين تحجرت بهم الدموع

و جسد يتنفس فقط ليعيش..و لكني لم ارها تقتله

chocolate & caramle

كان في بنوته صغنونه مش قووي يعني ممكن نقول انها صغنونه في دنيا الحب

كانت عايشه من غير ماتحس انه عايشه عارفه ده بس هتعمل ايه بعني نسيت اقولكم اسمها امممم

caramele

قابلت صدفه و هي ماشيه ولد امور اول ما شافته قالت ايه ده و مين ده

وبدأوا يتكلموا هي افتكرت انه حد لطيف و ظريف.دمه خفيف و ينفعوا يبقوا اصحاب

قالت اول مره اتعرف علي حد صفاته كده و جواها بيقول هو مش شبه حد اتعرفت عليه بس شكله طيب قووي و قلبه

chocolate اسمه

ابيض و بيسمعني مع الوقت لاقيت كراميييييل نفسها مشدوده لمين .

اه لشيكولاه الاول قالت عادي حد برتاح اتكلم معاه و حتي احساسها انه مش محتاجها بس بيسمعها و بس مع الوقت اكتر لاقيت كراميل نفسها بتحبه مووت بس مش حاسه و اول ما حسيت خبت ..خبت علي مين علي نفسها تخيلوا بعدها

قالت .لالالالا شيكولاته لا مش هينفع ده غيري خااالص و مش زي اي حد قابلته و بعدت كراميييلل او حاولت تبعد ..بس كل ما تبعد يبقي جواها شوق انها تقرب مش قادره كراميل تعيش من غير شيكولاته و قررت انها هتقرب .......ممممممممممم

و قالت له بحبك ...بحبك يا احلي شيكولاته في الدنيا و اتمني اننا نبقي شيكولاته بالكراميل عارفين هي حبت شيكولاته ليه؟ لانه اجمل حد هي عرفته جميل من جوه قووي و حنين جدااا لانه.....

Pure Chocolate

ليه بنحب

ليه بنحب

كتير اوي بنسأل نفسنا ليه بنحب ؟ في ناس تجاوب تقول أيوه

و ناس تجاوب تقول لأ

و ناس تخاف تجاوب حتي بينها و بين نفسها

يعني الناس يا عيشه تحب

يا عيشه مستنيه تحب

أو للاسف عيشه و ضاع منها الحب

و قليل من الناس اللي عايشين و عمرهم ما صدفوا الحب

و الاقل اللي عايشين و الدنيا مبخلتش عليهم بحبهم

الحب ...كلمه كبيره ..كبيره اوي ..بس بقيت كلمه سطحيه ناس كتير بتقولها علي اي مشاعر تقابلهالكن الحب كلمه حقيقيه لازم نفكر في معناها ..ابعادها

حتي من غير ما نفكر هي احساس عالي يخليك تحس بكل شيء عادي علي انه مختلف

بس و خدوا بالكم من اللي جاي

مش كل حاجه تعدي جوانا نقول حب ..لكن الحب انك تحس انك اتغيرتبسبب الانسان ده

بقيت احسن عشانه ..تتمني له اللي تتمناه لنفسك و يمكن اكتر

تحب تسمع اي كلمه منه

تشوف عيوبه ايوه لكن ما تضايقش منها

بتحبه ..تعدي علي كل اخطائه في حقك

تسامحه و هو غلطان فيك

تدعي له حتي لو افترقوه

تتمني له يكون دايما بخير

تتلهف علي خبر منه ..من بعيد

تحب اللي يحبه ...و تكره اللي يكرهه

تبقي جزء منه من غير ما تحس

بس اصعب حاجه لما تحب ...................و ده لان الحب مخلوق اناني

انه لما يضيع ..تضيع ..يمكن تعيش و تشتغل و تنجح

بس يفضل جواك الم كبير

بس لما تتالم تلاقي نفسك تفتكر كلمه ..زبسمه ..حتي لو همسه من اللي بتحيه

تلاقي في ثانيه الالم اتحول شجن

و الشجن اتحول حب اكبر

و لما يتحول الشجن حب يبقي عامل زي البرفان الاصلي اللي كل ما تخبيه جواك وقت اطول يبقي اقوي اكتر

بس يفضل جواك

مش بقولكم ...الحب كلمه كبيره بس للي بيحسها صح

كنت دياري

أنت دياري

عشقت حياتي لانك داري

أحببتك لأنك جنتي و ناري

ألا تاتي ثانيه ..نعم ثانيه

لأراك ..فأجدك دفئي و اماني

أم انك أصبحت ذكري كحلم من احلامي

قست علي أيامي

ذاب قلبي بعد أن ظنتت انك جزء من امالي

بل كل امالي

كنت دياري ؟؟؟؟؟؟؟؟؟؟؟

لا لا بل انت دياري

ما أجمل ان تحب فتشعر بالدفء في الليالي الباردة لاني اجدك أمامي

تري السماء ملاها النجوم وقت الظهيرة

تحلم و تحلم و عيناك مفتوحتان بك ولك

أهكذا انت كنت دياري

لا

بل أنت دياري

كلام ..بس يمكن مش زي أي كلام

كلام و كلام و كلام

هو احنا بنعمل ايه غير الكلام

بس ساعات بيريح ..بس كتيررررررررررر بيتعب

اقول ايه بس و اعمل ايه

ماشينها خطوات ..كتبت علينا

اقولكم بقي كده باختصار

يعني لما افضل أعيش و اعمل كل اللي فرضته الدنيا عليه ..اه و الله

فرضته ..مش اختارته

و كمان ايه انجح جدااا في اللي فرضته الدنيا

و اتحسد عليه كمان احيانا

بخاف احس اني متمرده علي حالي

بس كان حلمي حلم بسيط

حلم ببيت صغير و اولاد اربيهم تربيه اسلاميه زي ما ربنا قال

و مكنش في اي وقت حلمي اني اشتغل و اشتغل و اااااااااااااااااااااااااااااااااااااااااشتغل

لأو كمان (يا فرحه امي بيه ) و ابقي مركز مرموق

هتقولولي و ايه يعني ما هو ممكن الاتنين سوا

لكن انا كان _و مازال_حلمي اني ابقي ام و زوجه و بس

تخيلوا ان ده بقي المستحيل

و لاقيت نفسي فجأة ببعد كل يوم عن الحلم ده

طبعا كله مكتوب و كله رزق و كله بوقته

بس مجرد احاسي اني بعمل اللي مش بتمناه ..الي عمره ما كان حلمي ..حاجه تخنق

لما تصحي كل يوم الصبح تلاقي نفسك في دايره ...شغل ثم شغل

حد _ذكي_هيسالني ليه ؟؟؟ هقوله بصراتحه يعني بس الكلام ده مش للنشر ده بيني و بينكم

لاني مش لاقيه حاجه تاني اعملها

علي رأي صحبتي برايد صاحبه مدونه عايزة اتجوز الشهيره مفيش فرص كويسه

و كمان لاني لازم _ و خدوا بالكم من لازززززززم دي ...لازم يبقي لي برواز بقي اعيش جواه

و البرواز يبقي شيك ..حركات بقي

هعمل ايه يعني ..يعني عايزني اعيش من غير برواز كمان ...ده حتي اخد برد

ههههههههه ..اقصد اخد لي شويه كلام من الناس

مش عاره يمكن كلامي ده ..اي كلام

بس قلت افضفض

و يمكن الاقي حد يقول حاجه مفيدة ..

بس الاكيد اني هلاقي كتير اوي ناس زيي

قلب ...ينبض

أحيانا ما نقابل الشخص المناسب

ولكن ..و اه من لكن

كلمه من ثلاث حروف ياتي بعدها ما لا نرغبه

و لكن ..يكون هذا الشخص المناسب ..و جاء ...

ولكن ..ليس في الوقت المناسب ..او ..ليس في الظروف المناسبه

و كونك تعرف أنه المناسب ..هو أقسي ما يمكن

وكونك تعرف انه جاء ...هو أصعب ما تشعر

أما كونك توقن أنه المناسب الذي جاء في الوقت غير المناسب

فانه الموت حقا

لا أحب أن أبالغ ..ليس من شيمي

و لكنه الموت حقا

يوم تصحو فلا تجد الحياه

يوم تفتح عيناك فلا تري نور الصباح

يوم تنظر فلا تجد أناااااااااااس

يوم تشعر انك ممتلأ ...بالخواااااء

يوم تمد يدك ..فتجدها فارغه ..

ممما .. من أحساسك بيده

يوم تتذكر كلمه قالها ..فتتبدل ملامحك

و لكن ..لا يوجد شيء يحدث في هذا الكون بلا سبب

فما سبب أن تقابل هذا - المناسب- في الوقت -غير المناسب

أري أن السبب هو أن الدنيا أحبت أخيرااا

أن تجعلك تشعر أن لدي

قلب ما زااااال ............................ينبض

الطريق

ماشي في طريق من كام سنه ماشي في طريق

تعب الطريق ما تعبت انا تعب الطريق

و بصبر نفسي و بدوس علي يأسي

و بكمل حيرتي مع طلعه شمسي

بتوه اتوووه وسط الزحاااام

كلمات

مات الكلام فوق الشفايف و انتا شايف من سكا ت مات و جفت دمعة رفت فوق خدود الأمنيات كنت بعشق فيك صديقي كنت بلقي فيك طريقي قولي مين هيبل ريقي من العطش بعد السكات ياللي صمتك صوت نداني يا ابتسامة مودعاني ده اللي باقي من المعاني يا حبيبي يا دوب آهات

طفلتي الحبيبه

طفله احببتها من برأه ملامحها .. ستقولون ان كل الاطفال لهم ملامح بريئه و لكنها طفله مميزة
اذا ريتموها تجدون في ابتسامتها ما يجعلكم تتعلقون بها
و في عيونها نظره تجبركم علي حبها
نعم .......... انها برأه الاطفال في زمن كثرت فيه الاقنعه
حادثتني امها - فتاه جميله تدخل قلوبكم كطفلتها -كانت تحادثني و هي قاربت علي الصراخ
هل تعلمون مما تشتكي هذه الام الصغيره ؟ نعم من طفلتها
كانت تقول انها ترهقها و تتعبها و انا اعلم انها لا تبالغ ..تشكي و تقول كم دفعت لي هذه البنت كي اتحمل كل هذا
تمنيت ان اقول لها انها حبيبتي تدفع الكثير
تدفع ابتسامه تمليء دنياكي بهجه
تدفع حضن دافيء يشعرك بالحب
تدفع نظره من عينيها تجعلك تطيري عاليا
تدفع كلمه تقولها لا تقدر بثمن
و غدا ستدفع اكثر ستكون يوما قريبا الفتاه اليافعه التي تصاحبك و تحدثينها و حتي تتشاجرين معها
رعاها الله و حفظها
و لكنه الانسان لا يشعر بما بين يديه فلنحمده علي نعمه التي بين ايدينا و لا نشعر بها
رب اني لما انزلت الي من خير فقير