كلام و كلام و كلام
هو احنا بنعمل ايه غير الكلام
بس ساعات بيريح ..بس كتيررررررررررر بيتعب
اقول ايه بس و اعمل ايه
ماشينها خطوات ..كتبت علينا
اقولكم بقي كده باختصار
يعني لما افضل أعيش و اعمل كل اللي فرضته الدنيا عليه ..اه و الله
فرضته ..مش اختارته
و كمان ايه انجح جدااا في اللي فرضته الدنيا
و اتحسد عليه كمان احيانا
بخاف احس اني متمرده علي حالي
بس كان حلمي حلم بسيط
حلم ببيت صغير و اولاد اربيهم تربيه اسلاميه زي ما ربنا قال
و مكنش في اي وقت حلمي اني اشتغل و اشتغل و اااااااااااااااااااااااااااااااااااااااااشتغل
لأو كمان (يا فرحه امي بيه ) و ابقي مركز مرموق
هتقولولي و ايه يعني ما هو ممكن الاتنين سوا
لكن انا كان _و مازال_حلمي اني ابقي ام و زوجه و بس
تخيلوا ان ده بقي المستحيل
و لاقيت نفسي فجأة ببعد كل يوم عن الحلم ده
طبعا كله مكتوب و كله رزق و كله بوقته
بس مجرد احاسي اني بعمل اللي مش بتمناه ..الي عمره ما كان حلمي ..حاجه تخنق
لما تصحي كل يوم الصبح تلاقي نفسك في دايره ...شغل ثم شغل
حد _ذكي_هيسالني ليه ؟؟؟ هقوله بصراتحه يعني بس الكلام ده مش للنشر ده بيني و بينكم
لاني مش لاقيه حاجه تاني اعملها
علي رأي صحبتي برايد صاحبه مدونه عايزة اتجوز الشهيره مفيش فرص كويسه
و كمان لاني لازم _ و خدوا بالكم من لازززززززم دي ...لازم يبقي لي برواز بقي اعيش جواه
و البرواز يبقي شيك ..حركات بقي
هعمل ايه يعني ..يعني عايزني اعيش من غير برواز كمان ...ده حتي اخد برد
ههههههههه ..اقصد اخد لي شويه كلام من الناس
مش عاره يمكن كلامي ده ..اي كلام
بس قلت افضفض
و يمكن الاقي حد يقول حاجه مفيدة ..
بس الاكيد اني هلاقي كتير اوي ناس زيي
9 comments:
حبيبتي نور ان شاء الله ربنا يوعدك بأبن الحلال إلي يستاهلك عشان انتي حد جميل أوي ويرزقك بالزريه الصالحه6
وترجعي تشتيكلنا من شقاوة العايال وأبوهم إلي مغلبك وتعيشو في سعادة وهنا ان شاء الله
ميرسي يا قمر
بما انك عرفتي ان ده حال الكتير
يبقى ده شيء طبيعي
او شيء غير طبيعي في عالم غير طبيعي ايضا فبالتالى هو ايضا شيء طبيعي مرة اخري
عيشي حياتك بالطول والعرض وارضي ضميرك ومتحمليش هم بكره
يكفيكي النية ولو هتعيشي عليها يا نور
اياكي بس مترجعيش تشكي من عفرتة وشقاوة العيال وغلاسة ابوهم وهم البيت اللي ما بيخلصش
:)
ربنا يسعدك دايما يا رب
ايه يا نور وانا قولت عليكى كويه كويه من التسوس محميه رجاله ايه ونيله ايه يا اوختى بلا خيبه دا انا خطيبى هخلعه قبل ما اتنيل واتجوزة تعيش الحريه حرة مستكله سيبك انتى مفيش اجمل من الحريه
اولا ميرسي يا وفاء ربنا يكرمك يا رب علي مشاعرك
د/ احمد بجد بتشرفني زيارتك
بس عمري ان شاء الله ما هاجي اشتكي من الاولاد و ابوهم ههههههههههههههه
فهمت مش كده
بس فعلا هو عالم مش طبيعي
او يمكن دايما بقول احنا اللي بقينا مش طبيعيين
شكرا لك مره تانيه
ابي
اهلا اهلا منوووررره
بجد كتاباتك روعه و اكتر حاجه شدتني اللي منشوره لك فب الكتاب و عقبال ما تمليء العدد الجاي كتابات
يا بنتي انا عندي مناعه فعلا طبيعي
بس اللي معنديش مناعه منه الاطفال ربنا يرزق ان شاء الله
بس تخلعي خطيبك ليه اصبري شويه ربنا يكرمك يا رب و تفرحي
حبيبتي وصديقيقتي الرائعه
كل ما استطيع ان اقوله
هو ان ادعوا لكي الله بان يوفقك الى مافيه الصلاح لكي
وان يحمل الله لكي بين الايام الزوج الصالح الذي يقدر جمال وروعه شخصيتك
وانا لا اذكيكي على الله ولكنها هي الحقيقه التي التمسها في كل تعاماتي معك
فقط انتي تستحقين من لم تصدافيه ...
ولكن ادعوا الله لكي ان تقابليه قريبا
...
ربنا يكرمك بالزوج الصالح ان شاء الله
ومع دعوتي المستمره ليكي عايزه بس افكرك بحاجه انا متأكده انك عارفها
بس للتذكره
.....
وربنا قال
المال والبنون زينه الحياة الدنيا والباقيات الصالحات خير عند ربك ثوابا وخير أملا
....
وعسى ان تحبو شيء وهو شر لكم
ماحدش عارف الخير فين
Post a Comment