About Me

My photo
cairo, Egypt
فتاه مصرية- بداخل كل منا نور يستطيع ان يحي معه و يجعله يقويه علي متاعب الحياه احب نوري الذي بداخلي فهل بداخلكم مثل هذا النووووورررر

Sep 28, 2011

هذيان الاحتراق

هل شعرت يوما بانك سمكة

خرجت من الماء

تركت تنفسها و مأواها

لكن الحياه ما زالت تنبض بداخلها نبض ضعيف

يأخذوك و تقذف بقوة و قسوة علي نيران

تظل تتقلب يمينا و يسارا

و من شدة النيران تتقاذفك لاعلي و لا تملك الا الصراخ

وتبدا في الاستسلام فتترك جانبك ليشوي و قبل أن يحترق

تقلب علي جنبك الأخر ثم هكذا محاولا الراحه ولو للحظات

الي أن تحترق جانباك

فتظل تحاول الارتفاع بعيدا عن النيران التي تشتد

و لكن هيهات من خلاص

و مع كل هذا الالم الذي تشعره تظل بك روح هائمه

كانك ترفض الموت

و بالرغن من صراخك و التفاتاتك الكثيرة و السريعة احيانا لا تجد من يساعدك

والاغرب انك تري في هذيانك
وجوه كثيره حولك ..بل هم اقرب الوجوه

و لكن يبدو انهم لا يملكون الا المشاهده

Sep 24, 2011

Sep 22, 2011

love is love


loviiiiiiiiiiiiing chocolate forever

Sep 16, 2011

جدو الحبيب


مريت من قدام سور المستشفي بعد تقريبا 30 سنه يا خبر
هو هو لون السور البايخ الرمادي الباهت
هو هو المدخل يا خبر بصيت علي الدور اللي كانت فيه قوضتك
وحشتني اوي كلمه بقولها كتير بس المره دي طلعت بوجع
افتكرت حاجات غريبه جدا وانا اللي مبقتش افتكر القريب
افتكرت لما كنا بنزورك و نهرب لك الاكل اللي بتحبه
افتكرت فسحه يوم الجمعه مع بابا وماما لك في المستشفي اللي علي النيل
(غريبه طيب ما كان بابا بيخرج معانا وكان كويس و طيب ايه اللي حصل)
افتكرت الطعميه و تهربيها من سور المستشفي عشان ممنوعه عليك
افتكرت حاجات غريبه اوي
افتكرت لون الشنطه اللي ماما كانت بتملاها حاجات لك
كانت شنطه بلاستيك من بتوع زمان اللي لها ودان تتشال منها
افتكرت انه رغم المك الرهيب لكن كنت بتضحك و مالي الدنيا فرحه حواليك
افتكرت ان كانت صحبتك وقتها عبد المنعم ابراهيم ههههه
وتحيه كاريوكا مش ممكن كنت راجل خطير اي حد يقربلك يحبك
افتكرت قعدتي معاك في تراس القوضه
ووعدك ليه بركوب اللنش في النيل اللي كان بالنسبه لي وقتها حلم من الف ليله وليله
افتكرت وانا بقولك (خايفه اركبه بخاف من البحر يا جدو)قلتي لي هبقي جنبك
افتكرت حضنك و بوستك وحنانك اللي محتاجه له اوي
افتكرت أن اخر يوم جمعه قبل ما تسبنا مروحناش نزورك عشان اخويا كان عيان
افتكرت لما عرفت انك سبتنا ومقدرتش اعيط سنين
افتكرت الكرسي بتاعك في الصاله اللي ممنوع حد يقعد عليه غيرك
بس كنت بتقعدني عليه معاك
افتكرت خروجتنا من ورا ماما و الايس كريم اللي بتاكلهولي من غير ما حد يعرف
افتكرت العصفورة اللي كنت بجري وراها معاك ومسكتها عشان اعرف اكلمها
افتكرت العجله اللي ركبتني وراك عليها ونمشي نتفسح بيها
افتكرت الجامع اللي كنت بروح اصلي فيه معاك الجمعه و صاحبك النوبي الاسمر
بحبك اوي و محتجالك اوي الايام دي فينك يا جدو وفين حضنك

Sep 15, 2011

كلمات من زمن فات

هو: احبها كما لم يحب احد احبها كابنته كطفلته حتى تمنى ان لم تكن طفلته الا منها
هي: حبيبة،صديقة، ام، خليلة، حنونه، رقيقة، مشاغبه كالاطفال، واثقه كالحكماء، هادئة كالاشجار، ثائرة كأعصار لو امضى عمره يحلم ما حلم ابدا ان يلقاها....

وكمن يطارد السراب طاردو حلمهم ولكن لحظه بكاء دمعه واحده ايقظته، ايقظته بعد ان سرق الكثير من ايامها، لم يتحمل كلامتها وهي تبكي بحثا عن ما لم يحرم هو منه
باي حق يحرمها من تلك الكلمة الساحره التي تحلم بها كل امرأة

فخرج من حياتها كارها نفسه مرتين

مره لانه اختار البعد بارادته
ومره لانه لم يكن رجلا كما تستحق
............
احبك وساظل احبك حتى اخر ايام عمري

Sep 10, 2011

ترانزيت



عرفت انا مين !!
اها انا ساندوتش ايون ايون
ساندوتش بتأكله علي قطمتين و انت في الشارع
نفسك فيه حتي وانت شبعان و متغدي
لكن برضه طماع و عايزة وعايز تأكله
بس انا مش ساندوتش ولا أنا اكله هتأكلها وأنت شبعان
وترمي بواقيها في الشارع
مش هكون قطعه السكر التي تذوب حبا لك لتستمع انت و تضيع هي
أنا أنا و عارفه أنا مين
خسرتني أخيرا وكسبت أنا روحي
أرفض أكون وقت ترانزيت تقضيه

Sep 3, 2011

من وحي الخيال


رن جرس التليفون مين انت يا خبر انت جيت
بحبك وحشتني عايزة اشوفك حالا النهارده
نزلت علي عجل وهي ترتدي اجمل الثياب
نظرت لوجها في المرأة من دي ؟؟سألت نفسها و ضحكت
كان وجهها يشع نورا ما ظهر من سنين
سنين فرقتهما زادت حتي ظهرت تجاعيدها علي بشرتها
هشوفه هشوفه مش مصدقه
وصلت للمكان رأيت ملامحه من بعيد
أمسك يدها ليسلم عليها فقبلتها كتير
انت هنا ش مصدقه حاسه اني بحلم
دقائق مرت كتير و هي لا تتكلم فقط تنظر لعينيه لملامحه
تتحقق انه هو معها أحبك
لا تقول غيرها أحبك أحبك أحبك
يسألها و رايحيين علي فين ..مش مهم مش مهم مش لازم نهايات لكل حاجه
المهم أني بحبك ..يسألها بخبث بتحبيني تقوله لأ بموت فيك
لا يتكلم الا قليل مع انه كثير الكلام
اتكلم مالك ؟؟ بحبك وبس
يجلسا سويا ويمر ساعه ..لازم أمشي
بس مش قادره تتخلل الدقائق ضحكات ...ودموع
ليه النكد ..مش مصدقه انك تعبت اوي و انا معرفش و كنت بعيد
أنسي بقي ..هو يحلفها بالله أن تنسي ولا تجيب الا بالدموع
تأخذه في حضنها كطفلها الصغير
تشعر بنضات قلبه لأول مره تتلمسها تشعر بها
نفسي تفضل في حضني باقي عمري
تقبل يديه كثيرا و تتركه و تذهب
هتفضل تحبني ..لا خر عمري وانا هفضل أحبك و هتفضل جوايا لبعد الموت
هل تمت !!