سالت نفسي كتير
سألت اللي حواليا ..سألتكم يعني ايه الحب
كلمه من حرفين بس اعتقد كلنا أو اغلبنا بيعيش بيها و لكن يا تري حد عرف ايه هو الحب
في ناس قالوا الحب انك تدي اللي بتحبه كل كيانك
تتمناله اللي بتتمناه لنفسك و يمكن أكتر
تعيش و كانك بتتنفس عشانه ..عشان وجوده في حياتك
تحس ان في حاجات مشتركة بينكم حتي لو كان من الحاجات دي السماء
تقولولي السماء ..اقولكم ايوه لو حتي مفيش حاجه بينكم الا السماء يشوفها هو أنت تشوفها
بس احيانا يكون الحب ده زي السراب
عارفين اللي ماشي في صحرا .....ماشي ماشي ماااااااااااااشي و عطشان لدرجه الموت أو يمكن بجد للموت نفسه
و يلاقي من بعيد ميه ...يجري عليها عايز يعيش
بس هي للأسف مش ميه ...لأ هي سراب
واذا سألتوه يحلف أنها ميه .. و يفضل يجري عليها ..يمكن يقدر يوصل لها
يمكن عشان بس يفضل عنده أمل أنه يعيش ...يتنفس
هو مش كل انسان له حق في انه يتنفس ..صدقوني ساعات حتي الحق ده بيضيع
بس السؤال اللي عايزة له اجابه المره دي ...يا تري اللي يحب ممكن يكرهه
هجاوب أنا أول اجابه ..استحاله اللي يحب عمره ما يكرهه حبيبه ...حتي لو حبيبه بقي سراب
12 comments:
يا تري اللي يحب ممكن يكره
متهيقلي ممكن تكوني عارفه رئي
وهو ان الي بيحب وارد جداا يكره
انا متأكده انك هتستغربي لما اقولك ان على قد درجه الحب ممكن يتحول الحب لكره
عارفه
حب السراب ده حب كده مافهوش اي ملابسات
مليان احاسيس جميله وبس
يعني حد انتي شيفاه فبتحبيه من جوه نفسك
وانتي مش طالبه منه اي واجبات غير انك بس تحبيه
وده هيفضل ديما اجمل صور الحب
لانك عمري ماهتشوفي حاجه تخليكي تكرهيه
حتى والله لو حب واتجوز وبقى عنده اولاد من واحده تانيه
لان من قراره نفسك انتي اساسا مش مطالباه بانه يبادلك شعورك ولا حتى اي حاجه
كل الي عايزه تفضلي تحلمي وتحبيه في العقلك وبس
مستحيل تكرهيه ابدا
.....
تعالي بقى للحب الي الطرفين فيه
الحب ده بيكون حيقيقي طبعا بيتابدله الطرفين وكل واحد بيحب ومتاكد من كده
بس ممكن قسوه طرف او اهماله او ظلمه او انايته المتاوصله ..
ومع امتداد العيوب دي
لواحده مثلا بتحب واحد
طالبه منه اكيد كل اللوازم عشان الحب ده يعيش ويكبر
وهي مش بتلاقي ده ...
هتستحمل مره مرتين عشره
شويه بشويه الحب ده هيقل ...زماهو مافيش غذاء ليه
بعد ماكان مفعم بالحيوه والنشاط
بدأ يدور على غذائه ومش بيلاقي ويستحمل
غصب عنه نشاطه هيقل مش بايده
ويدور تاني على غذائه مايلاقيش..
فيستحمل
بس هيوصل لدرجه انه مش قادر يمشي على رجله
يدور فميلاقيش
ويقول انا لسه عايش ويستحمل
ويوصل لدرجه انه مايقدرش يقوم من سريره
يدوري ومايلاقيش
ويستحمل
بس المره دي مش كتير...
لانه ماااااات
مش عارفه هتفهميني ولا
بس ياريت المره دي يكون وصلك ردي
نونا يا حبيبه قلبي
ميرسي علي ردك الجميل و يمكن يا نونا فعلا كلامك صح بس يمكن يكون كلامي انا برضه صح لان كل واحد بيتكلم من وجهه نظره بس تفتكري يا نونا حب السراب ده حب و لا وهم؟؟؟يا ريت بقي تجاوبي اصلي جوايا اسئله كتير يا ريت تساعديني و تجاوبيها معايا
يا تري اللي يحب ممكن يكره ؟؟؟
الحبيبة نور
سؤال له ألف اجابة واجابة
حصلت عليها من عشرات قصص الحب التى صادفت كل من حولى وانتهت دون وداع
من يحب يمكن جدا ان يكره من احبه
اذا كان الجرح اكبر من الحب
تشرفت بزيارتك جدا
وسعيدة انى اتشرف بقراءة مدونتك الجميلة
تحياتى واحترامى
الحب
صعب جدا ان اشرح
لا حياه بلا حب
كامي
اولا احبك جدا و احترم ارائك صدقيني كاني حاسه اني شوفت قبل كده مش عارفه لي همعاكي بحس بألفه دي اكيد حب في الله
بس مش عارفه اكتر من حد قال كده ان اللي يحب ممكن يكرهه بس انا حاسه انه صعب مووت لان احساس الكرهه ده صعب اووي من اصعب الاحاسيس عموما في الدنيا فما بالك يكون بين اتني حبوا بعض ...بجد مش عارفه لكن بيصبني بالحزن اوووي ان اشوف اتنين حبوا بعض و الحب ده بقي كرهه
يااااااااااااااااااه الدنيا بقيت صعبه اوي
اشكر لك اهتمامك و نفسي اوصل لميلك
اقصوصه اهلا بيكي و اتمني ما تكنش اول مره بس احب اشوفك هنا دايما
الحب ياة كلمة بيقال انها سر الحياة بل سر الوجود بس ياترى هنلاقيها وسط الزحمة دى عارفة يانور فى وسط الزحمة تاهت حاجات كتيرة مننا تاة المعنى الحقيقى للحب واستبدلوه بحاجات تانية لاتمت للحب بصلة حاجات مالهاش معنى
تحياتى لكى
ايتها الرقيقة الغاضبة من كل الحقائق التى صورتها تلك الاحلام البعيده المنال
حواء بين السطور التى تحمل ذلك القلب الذى امتلأ بالاحزان وكيان السراب العائد من الجنوب .. سيدة الحب رغم السراب .. نعم الحب له تعاريف كثيرة مفاهيم اكثر وحقائق خالية ..
الحب هو المدرسة التى لا اساتذة فيها وهو الاشتياق والحنين والعذاب .. ولكن عندما نتحرر منه يتبقى العذاب
لا نستطيع ان نكره طالما احببنا يوما بصدق .. لا تستطيع المشاعر ان تخون صاحبها .. فالمشاعر هى تلك الفرسة البرية الجموحه التى لن تقف لامر ولن تستسلم لهاجس
اسئلتك بثت فيا الكثير فدمتى حواء بين السطور ..
لك منى :)
رئيسه حزب الاحلام
نورتي المدونه..فعلا الحب هو سر الوجود بس الاكيد اننا هنلاقيه وسط الزحمه صدقيني اكيد هنلاقيه
البحث عن انا شيء جنوني
ردك بعث في الامل ..فالكثير ممن ناقشتهم اجمعوا عن من ان يحب يمكن ان يكرهه الا انت ..فانت توافقني الرأي ان الحب لا يتحول الي كراهيه
اشكر لك كلاماتك الرقيقه مع وعد بزياره قريبه لمودونتك
تحياتى
Post a Comment