خالد ولد صغير بحبه أوي
بنلعب سوا ....بيجيلي لما أكون فاضيه
ساكن قصادي و علي رأي نجاة و بحبه ههه
عمره 6 سنين ...و ذكي ما شاء الله
يجي نلعب و نتفرج علي الكرتون و نأكل سوا بطاطس و مكرونه لانه بيحبهم مووت
خالد عنده سمكه امورة
كل ما يسافر يجيبلي السمكة اشيلها له و يوصيني عليها
أقعد أكلها و العب معها كل أسبوع خالد يسافر ويك اند و يجبلي السمكة
من فترة و بسبب انشغالي مشفتش خالد فتره أتاري السمكة ماتت
مبقاش يعدي عليه بانتظام
بس في مرة كنت بكلمه ..كان وحشني أوي
قلت له أنا قاعدة علي النيل
و المياه صافية أوي شايفه سمكه كبيرة و سمكه أضغر شويه و سمك صغنون حواليهم
ضحك كتير ..و قالي أولادهم قلت ايوة
قالي زيينا ........ضحكت
قلت بس أنا عايزة سمكايه بس
قالي لأ أنا عايز سمكايه و سمكه..ضحكت انا
يمكن حلمت ..يمكن لأ
بس الأكيد أني زعلت علي سمكة خالد لاني معدتش بشوفه كتير زي الاول
بفكر أشتري له سمكه عشان يجيبها لي كل ما يسافر
3 comments:
انا بحب السمك اووووي على فكره
وصعبت عليا السمكايه اووووي
وحجات تانيه حسيتها وانا بقرى موضوعك بس مش عارفه ليه مش عارفه اكتبها
بس ديما كلامك رقيق زيك اوووي
علشان انتِ بتحبى الأطفال ربنا سخرلك خالد
ربنا يسعد أيامك
يا نور
كل سنة وانت طيبة
دائما انا ايضا اشعر بالسعادة مع الاطفال اشعر بتلقائية المشاعر ويمكن علشان كده انا مدمن قراءة مجلة ميكى
Post a Comment