About Me

My photo
cairo, Egypt
فتاه مصرية- بداخل كل منا نور يستطيع ان يحي معه و يجعله يقويه علي متاعب الحياه احب نوري الذي بداخلي فهل بداخلكم مثل هذا النووووورررر

Feb 10, 2010

هو وهي -2



هو :قررت أبعد

هي : كويس ومش قادر تستني شويه هو ده وقته

هو : أصل أخر مواقف فوقتني و فوقي بقي وشوفي الحقيقة

هي : شيفاها كويس وعمري ما عشت الأحلام

هو :كفاية انا تعبتك كتير انا ليه حياتي و انتي مليكش أي حاجه

هي : مين قال كده انت أدتني كتير أوي

هو :أنا اديتك أيه ممكن تسمي الفترة اللي فاتت أيه

هي : حب أنت الحبيب و تسكت

هو :لأ

هي : ببكاء بدون صوت كعادتها ..أرجوك ما تحاولش تشوة حبي عشان تبعد

أنت كده بتحطمني أنا مش بتبعد عشاني

و بعدين كان لازم تختار الوقت أنا مش متحملة

هو : مش قادر

هي :كفاية و متعملش كده تاني مع أي حد لانه مش هيستحملك قلت لك كتير بلاش الطريقة دي

هو : حاضر

هي : و بضحك غريب علي فكرة ده دعائي المستجاب ..وتتمتم الحمد لله رب العالمين

هو : يسكت

هي : ابقي خليني أشوفها بلاش تحرمني من ده ...داخلها صراع..و حب للطفلة لا يعلمه الا الله

هو : أن شاء الله

.......................................................................

هو: أزيك

هي : الحمد لله

هو : طمنيني عاملة أيه

هي : كويسه

هو : مالك صوتك ماله الجرح كويس

هي : كويس و.................وفي اعماقها سؤال هو يقصد أي جرح ؟

هو : مش قلتي بلاش بعاد أوي

هي : ما هو ده العادي بتاعي ..انا فعلا و اول مرة من سنين كويسة و بجد

هو : أصلي مش عارف صوتك مش كده

هي : لا ترد ........لا تملك الردود

فجراحها تنزف بغزارة و لا يراها سوي ربها

هي : وفر فلوس المكالمات

هو : كده

هي : انا ما غلطتش بقولك وفر فلوسك

هو : أسف

هي : هو أسف علي أيه ؟؟سؤال و لكن لا تبحث عن اجابات

فالأهم أنها أصبحت تعيش كما كانت في أمان مع نفسها

7 comments:

Hanan Said said...

كتير الصمت بيخليني ماعرفش اقولك كلمه على كتير من كلامك
يمكن لاني كتير بفضل حيره اقول ايه
يمين ولا شمال
ربنا يعمها الخير ديما
وتحس ديما انها في امان وراحه
ياااااااااارب

nor said...

انا كمان بدعي لها
يا نونا

nor said...
This comment has been removed by the author.
NAGWA said...

هو : رجل ككل الرجال يحبهن يمتعن حواسه يشبعن غروره يكمبن صورته الاجتماعية من خلال زوجة تنجب له وحبيبة تشبع غروره بحبها
هي: الحزينة التي تبحث عن أمل من خلال ما يمنحه لها من عشقت من فارغ وقته بينما هي تبكي وحدتها شوقا لوجوده حتى أنها أحبت طفله من فيرها ............قاسيثة هي الحقيقة
لكن ما أقسى من رجل أناني يبحث عن ذكورته
لا وجود للرجال بيننا هم محض ذكور في مجتمع خانق
حسبنا الله ونعم الوكيل

فقعتى مرارتي يا إش أش

nor said...

نوجا
كلام حلو
بس هتضحكي عليه هو لسه عندك مرارة مش شلتيها مرتين
دمتي حببتي و مامتي و اختي

Anonymous said...

هو: احبها كما لم يحب احد احبها كابنته كطفلته حتى تمنى ان لم تكن طفلته الا منها
هي: حبيبة،صديقة، ام، خليلة، حنونه، رقيقة، مشاغبه كالاطفال، واثقه كالحكماء، هادئة كالاشجار، ثائرة كأعصار لو امضى عمره يحلم ما حلم ابدا ان يلقاها....

وكمن يطارد السراب طاردو حلمهم ولكن لحظه بكاء دمعه واحده ايقظته، ايقظته بعد ان سرق الكثير من ايامها، لم يتحمل كلامتها وهي تبكي بحثا عن ما لم يحرم هو منه
باي حق يحرمها من تلك الكلمة الساحره التي تحلم بها كل امرأة

فخرج من حياتها كارها نفسه مرتين

مره لانه اختار البعد بارادته
ومره لانه لم يكن رجلا كما تستحق
............
احبك وساظل احبك حتى اخر ايام عمري

Unknown said...

أعلمه الرماية كل يـومٍ___فلمّا أشتد ساعده رماني
وكم علمته نظم القوافي___فلمّا قال قافيةٍ هجانـي