حالتي

حاسة اني عايشه بس مش عايشة
بضحك قليل..ببكي كتير
ببص جوايا بلاقي ظلام
ببص حواليا بلاقي توهه
حاسه اني في جب عميق
ضلمه قاعده في زاوية منه
مش شايفه قدامي
حاسه و مش حاسه
عارفة و مش عارفة
ما انا قلت من الاول عايشه و مش عايشة
بقوم اقف يمكن أشوف ..برضه مشفش
بحاول امشي يمين شويه ..برضه ما لاقيش
طب شمال يمكن في سكة ....برضه مفيش
أرجع مكاني أستني تاني
أستني أيه ..مش عارفة
هخرج ازاي ..من جب كبير ضلمه شديدة
بلاقي نفسي أدعي واقول ربك كبير
ربك كبير..ربك كبير