About Me

My photo
cairo, Egypt
فتاه مصرية- بداخل كل منا نور يستطيع ان يحي معه و يجعله يقويه علي متاعب الحياه احب نوري الذي بداخلي فهل بداخلكم مثل هذا النووووورررر

Jan 22, 2011

عام جديد يمر


ككل الاعوام التي مرت هذا العام يمر
مر علي ميلادي 38 سنة بالتمام و الكمال
يمكن عدي أغلبهم في شغل و تعب و شقي
بس الحمد لله احسن من غيرنا
مقولة المصريين و لكن الحمد لله رب العالمين
سنةو را سنه بتعدي
وكلو زي بعضه
يمكن الاحساس بالوحده بيزيد
يمكن الايام بتكون تقيلة اكتر
يمكن الدنيا تحسها كده وخداك ررايح جاي كانها قطر وانت تحت القضبان
بس كلو بقي عادي
النهاردة شبه بكره لمشكله أنه شبه انبارح
اللي حاصل بقي ان الدموع بقت أكتر
الحزن بقي أعمق
اليأس بقي مليني
عملت أيه السنة اللي فاتت
شغل و دراسة كويس ماشي الحال
و نفسي في أيه و معملتهوش
أني يكون لي بيبي يقولي يا مامي
هابي بيرس دي تو مي
كل سنة و انت بخير يااحلي شيكولاتي في الدنيا لولاك كانت هتيبقي عيد ميلاد صعب علي روحي و نفسي

1 comment:

BlueMoon said...

عيد ميلاد سعيد متأخرة شوية ...قلبتى عليا المواجع بكلامك علشان دة نفس إحساسى ...لما بييجى يوم عيد ميلادى باكون عاوزة افرح وباحمد ربنا انى لسة فى الدنيا ,لكن قلقى من بكرة ومن قلق وخوف الأهل عليا بيخلينى اتكسف على دمى واقول سيبى الفرحة بأعياد الميلاد لاصحابها...الصغيرين..المتفائلين..اللى اتظمنوا على مستقبلهم -إلى حد ما-وأهلهم مش شايلين همهم وخايفين عليهم من الوحدة...ربنا يعود عليكى عيد ميلادك أعوام عديدة ومعاكى شريك حياتك اللى تتمنيه وحواليكى أولادك.