لعب دور الأب و الأم

رجعت من بره زي كل ما ترجع من شغلها
بصيت في مريتها لاقيت شكلها مش عاجبها
قفلت عليها بابها
قالت أيه ده ..انا بعمل أيه و ليه
غلطت في حق نفسي كتير
ضيعت قيمة نفسي سنين
فين أنا ؟ سؤال صعب أجابته
دور الأب الغائب هلعبه
أنتي عملتي كده .زأيوه يا بابا و عيونها زايغه
فضلت تضرب بعنف كل جزء في جسمها
و فكرت تجيب سكينه حرفها رفيع اوي و تقطع كل جزء من أيديها و رجليها
بس تراجع الأب خوفا علي بنته وقالت كفايه الضرب و الأهانه اللي أديتهم لنفسها بدل أبوها
أبوها الحاضر الغائب

رجعت من بره تاني زي كل ما بترجع من شغلها
بصيت في مريتها تاني لاقيت شكلها بقي أقرب لحطام أنسان
عيون زايغه و عقل تايهه و وش شاحب
والمره دي دور الام هلعبه
مسكت مقص بارد جدا و فضلت تقص في شعرها
و كل ما تأخد خصله و تقصها تشد الباقي منها
و تقول لها فوقي بقي
و تأخد خصلة تانيه بعنف و تقص في شعرها
فجأه فاقت علي صورة لنفسها
مقصوص شعرها كل حته بمقاس و طول
قالت لنفسها هو ده دور الأم المسكينه اللي عندها

دخلت عليها أمها لاقيت شعرها مرمي قدامها و جنبها
مالي أيديها قالت لها عملتي أيه
سكتت قالت لها أصله خنقني

رجعت من بره زي كل ما ترجع من شغلها
بس المرة دي رجعت بعد رحلة سفر طويله اوي
بعد ما قامت بدورها تجاه نفسها
ما تحملتش أصلها تعبت لبس أقنعة بقي
جالها حمي كانت هتقضي علي اللي باقي من عمرها
أترميت ل ساعات طويلة و هي وحدها
طالت الساعات في الطريق تلتمس الرجوع للبيت الفاضي من أبوها وامها
تقول هوصل و لا هموت في الطريق
يكلمها الاصدقاء مالك ..مش عارفه
يقابلها أخوها تعالي المستشفي شكلك مش طبيعي
ترفض .أحسساها بشبح الموت قريب
تفضل مرميه لأيام من حمي بدون سبب

لكن السبب هو تقمصها لأصعب شخصيات في الوجود ..الأب و الأم
و لكنها أرتاحت بعد ان اخذت من نفسها القصاص
كأنها جلدت نفسها بسوط من نار

تمت