شوفت في عنيه متااهه كبيررة

ماشيه في طريق

لاقيته عيل تايهه في مولد

دموعه نازله ..ملهاش مثيل

بيبكي بحرقه ..ما هو تاه من اهله

احساس ضياعه ..اصله فظيع

قربت منه أساله ..أساعدك ..سكت

ملقاش كلام ..يقدر يقوله

لاقيت دموعه نشفت ..و كأنه بقي انسان شديد

خاف مني ..خاف من الناس..من دنيا صعبه

مسح دموعه بظهر كمه ..وفرد ظهره ..و مشي

كأنه بقي راجل كبير

فاتت أيام طويله ..رجعت اطل عليه

لاقيته قاعد...و بجنب حيطه يتحامي بيه

دموع كتير بلت هدومه بيبكي بحرقه ملهاش مثيل

و عيونه زايغه ..و قلبه خايف ..ما هوأصله عايش من غير مصير

أول ما شافني ..مسح دموعه ..فرد ضلوعه ..و قام لي تاني

بيقولي ..ا عايش ..ومش ضعيف

صعب عليه ..و مشيت بعيد ..قلبي معاه

ما هو أصله عيل تايه في مولد