قصه حقيقيه من قلب حقيقي لانسانه مش موجوده علي الارض

هي صديقه و أخت ليه حببتي ..هي انسانه لها قلب لبنت منتخيلش وجودها لسه علي الارض

لاقيتها بتتصل بيه و صوتها مخنوق امبارح بتقولي هشام مات

مقدرتش استوعب استغفر الله العظيم ..ربنا يرحمه برحمته

هشام ده الحبيب اللي الدنيا خلت من المستحيل اجتمعهم

الحبيب و من قبل الصديق و كان لها احيانا المعلم لحاجات كتير

ما انساش يوم ما قرروا و بشده انهم مش راح يتكلموا ما قالتش عنه برغم جرحها الا انه رجل يتقي الله و متدين

لكن نقول ايه الظروف ..او القدر

حببتي لا اجد ما اواسيكي بيه لان اعرف حجم مأساتك

مات الحبيب و لا تستطيعي بكائه بصوت

مات الحبيب و لا تستطيعي الذهاب لأخد العزاء فيه

مات الحبيب و ليس من حقك الا ان تدفني حزنك بداخلك

كما عودتيني دائما يا ذات القلب الرقيق ان تدفني حبك و حزنك بعيدا عن اعيننا

لا اجد ما اواسيكي بيه الا ان تترحمي عليه و تتمني لقائه في افضل مكان ان شاء الله في جنه الله

ما أصعب هذه الدنيا ما أصعبها تظل تعطيني في اختبارات ..و لكن من يستطيع أن ينجح دائما

و لكن حبيبتي أعرف أنك سوف تنجحي ..يا من علمتني حب الله

ملحوظة :اذا مخاصم حد او زعلان من حد او بعدت عن حد بلاش تبعد اووي لان العمر بيخلص في اقل من ثانيه ..