مدونة ....زوجي

دي مدونه لاقيتها لاول مره النهارده بتاعت بنت اسمها لاسعه

بس هي اعقل ست في الوجود بجد تحفه

بتحب جوزها لدرجة الجنون و اللسعان وهو بيحبها و عملت كتاب و هتنشره وانا هشتريه لاني مفتقده اوي الاخلاص في الحياه

وده لينك المدونه

http ://zawgi.blogspot.com

حبيبتي

حلمت بك حبيبتي ..تأتيني دوما"عندما اشتاق لكي

جئتي هذه المره تحتضنني بقوة و ظللتي بداخلي ساعات

شعرت ان عذاباتي أنتهت و انتي تقوليلي سامحتك

أقول لكي أحبك تقبليني و تحتضنيني مع انك أنتي من يحتاج للحنان

أحبك طفلتي أحبك كما لم أحب أحد من قبل

اتمني لقياكي مع استحالة ذلك

ما أجمل حضنك و قلبك و ابتسامتك و شفاهك

ما أجملك و أنتي تقبليني و تتكلمين معي

مااجمل أن أرتاح معكي و بيكي

حبيبتي و طفلتي ما اعذب صوتك و أبتسامتك التي تأثرني

تأخذني بعيدا عن هموم الدني

تمسكتي بي و جعلتني أحنو عليكي و أحملك و أقبلك كثيرا

تكلمنا كثيرا و ضحكنا كثيرا و كل هذا و انا احملك بين أضلعي

أستيقظت من نومي ضاحكة و قد نسيت الابتسام من أيام عمري

أوعديني أن تأتي لي مرة أخري .......لا بل مرات

لنتعانق كلنا ..لأحتضنك ففي حضنك شفائي من دائي

كم تمنيت أن أراكي ولكني ها انا أركي و تريني

بل هو أنتي من تأتيني حبيبتي و صغيرتي

سأنتظرك ..فلا تتأخري فحضني مشتاق لكي

التحرر من القيد

ما اجمل أن يفك أسرك
و تتحرر من القيد
أنه تاريخي للتحرر علي لا أنسي
أنه يوم سأظل أتذكره ما حييت
19/6/2010

الأنسان

بدأت الفتره اللي فاتت من حياتي أحس زي كتير مننا ان الدنيا راح منها كل الخير
من كتر ما بنقابل ناس بتظلم و ناس شغلتها توقف حال بعض و ناس بتفتري
لكن ربنا سبحانه و تعالي اراد انه يرجع لي جزء من الثقه دي و يريح قلبي شويه من التعب من كتر الظلم اللي بنقابله و شيفينه و حسينه كلنا
عيانه من فتره و الحمد لله علي كل حال و هوه الواحد يخلص ذنوبه الكتير في الدنيا
نزلت اعمل اجازة لاني مش قادره اقف أيام المراقبات و الامتحانات
وعلي الرغم من ان الاجازة كانت ممكن و بسهوله تخلص من مكان عملي لكن أهوه كان لازمن و لا بد كل البد اروح التامين الصحي في المنصورة وده معناه سفر تاني ووقفه تاني
رحت من يومين معرفتش أخلص اي حاجه و الدنيا قفلت معايا و البيه الدكتور مرضيش يعتمد الاجازة عشان اسمه مش مكتوب ههه اه و الله لازمن يكون مكتوب و الا مليش اجازة مشيت و رجعت القاهره و معنديش اي امل
لاقيت الموظف المسئول بيتصل بيه و ده طبعا مش عادي خير يا عم تعالي بكره تاني و انا هتصرف لك
مصدقتش قلت له انا جايه من القاهره و ظهري تعبان الله يكرمك قالي تعالي بس
بصراحه جيه في بالي انه ممكن يحاول يخلص لي الاجازة - اللي هي من حقي بشهاده الدكتور اللي هناك و الاششعاعات و التحاليل --ولكن عشان اتعودنا علي ده قلت يبقي عايز حاجه ..فلوس طبعا
و روحت الصبح لاقيت شخصيه محترمه جدا بتخلص شغلها بما يرضي الله و لوجه الله
ياااه اقولكم اني مصدقتش ..من كتر الفساد اللي بنشوفه في كل المصالح الحكوميه
كلمت وحده صحبتي اتعاملت معاه في اجازة قبل كده قلت لها أيه النظام لاني مش بعرف اتعامل مع الموظفين و خايفه قوي الورق يوقف علي ختم و لا اي هبل قالت لي مش عارفه ..
قلت أمري لله و أقولكم ايه تخيلوا انه عرضني علي 3 لجان من لجنه للجنه و من مستشفي لمستشفي و يمشي و يطلع و ينزل و يتكلم من موبيله يسأل علي الدكتور مين و الموظف مش عارفه ايه عشان الورق يخلص كله النهارده و مارجعش يوم تاني ..و انا محرجه جدا لاني كلفته كم مكالمات كبير
و بفضل الله و من بعده هذا الانسان اللي أفضل لقب يطلق عليه الانسان لانه بيشعر بألم الاخرين
بالفعل اخدت الاجازة و الحمد لله
ولاقيت من الذوق حتي اني اعرض عليه تمن المكالمات .زلاقيته زعل جدا و قالي كلكم اخواتي يا دكتورة و دي ملاليم المهم ان حضرتك متجيش يوم تاني و انتي تعبانه
ياااااااااه يا رب .زلسه في خير
يااااااااه يا رب سبحانك لسه في بلدنا ناس تقضي حوائج الناس
و مشيت و انا بدعيله بدوام الصحه له و لأولاده
بجد بجد الخير في و في امتي ليوم الدين
ربنا يكرمه و يديله الصحة و يبارك له في أولاده
صدقوني لسه في خير فينا
بحبك يا رب لأنك بترجعني لنفسي كل ما الفساد و الظلم ما بيعبدوني عنها