قولي ايه معني السعاده

علي رأي اسماعيل ياسين ..قولي ايه معني السعاده قولي يا صاحب السعاده قولي قولي

و للي ميعرفش دي اغنيه من فيلم لاسماعيل و حلوه معناه ايه هي السعاده

و بما اني الفتره اللي فاتت مجبره درست فلسلفه لاقيت ان كل الفلاسفه قالوا ان غايه الانسان هي السعاده

و انها رأس المثلث الذي يبحث عنه كل انسان ..و انها القيمه المطلقه التي نبحث عنها و الكام ده ايه ..الكلام ده كبير اوي

و بعيد عن الفلسفه اللي خرمت مخي سيادتي ..قلت طيب هي السعاده عندي ايه ؟؟

اممممم ..بصراحه ما لاقيتش اي سعاده و الحمد لله

من مشاكل شغل علي مشاكل بيتنا علي مشاكلي انا ..اللي تنحصر في كوني انا شخصيا علي شويه نشرات الاخبار اللي تخلي السعاده ي خبر كان .زمن حروب علي ارتفاع اسعار علي ناس بقيت بتاكل في بعض من غير اسباب

بس فجأه لاقيت سعادتي .......................................الحمد لله

عارفين في ايه ..ربنا كرمني من فتره و بدرس لطلبه حلوين اووي بحبهم جدا
لاقيت السعاده معاهم و بينهم هم في الجامعه يعني عمرهم صعب التعامل معاه

لكن بحبهم اووي و لاقيت ان سعادتي ربنا بعتها لي معاهم ووسطهم

لما بيكلموني يطلبوا اي حاجه بطير من الفرح و لما بدرس لهم و الاقي نفسي بوصلهم علم بفرح جدا

و لما بشد عليهم و يسمعوا الكلام بحس اني بعمل حاجه

صدقوني لاقيت سعادتي في الشباب دول و هم ماشاء الله حلوين و منهم اشقياء بس بمووت فيهم

واحد منهم مش بيفهم الا و هوواقف يفضل طول السكشن واقف ..بس اعملوه ايه بموت من الضحك جوايا طبعا

و في منهم اذكياء اووي و في منهم بنات امامير و لهم قصص حب بفهمها من عيونهم و بيتكسفوا مني لما بيحسوا اني عرفت

الحمد لله علي نعمه ..بجد لاقيت سعادتي في توصلي لجزء ولو صغير من العلم و في تربيه الشباب دول

ربنا يساعدني و اقدر انجح معاهم اكتر لحسن طلعت مسئوليه مش سهله

يا ريت كل حد يبص حواليه اكيدهيلاقي ربنا مديله سعادته في شيء

ليه الدنيا ما تبقاش بسيطه

ليه الدنيا ما تبقاش بسيطه

بس الدنيا مالها احنا اللي عقدناها هي كويسه

كل الناس لازم تلف و تدور في اي حديث اتعودوا علي كده

كل الناس بقيت لازم تتكلم الكلام باكتر من معني مش دوغري

طيب ليه و هنخسر ايه و ليه نضيع وقتنا و جهدنا هي ناقصه تعقيد يعني

يعني لو قلت انا اي حاجه جوايا بمنتهي البساطه ايه هيحصل و لا اي حاجه بالعكس هيكون مفيد ليه و للي قدامي

و لا حتي في بيوتنا ما نتكلم شوا علي بلاطه ده احنا عيله وحده اخوات و امهات في ايه ؟؟؟؟؟؟؟؟؟؟

و في الشغل ما اللي جواه حاجه يقوم خابتها في وش اللي قدامه و خلاص طبعا بذوق مقصدش خالص قله الادب في الكلام

و في كل مكان حتي بين المتجوزين و بعضهم بلاقي اغلب المشاكل من عدم الصراحه تيجي صاحبتي تقولي لأ مقدرش اقول لجوزي كده

طيب لو مقدرتش تقول لجوزها اللي جواها هتقوله لمين ؟؟

في ايه ؟؟حد يرد عليه لاني طهقت خلاص من معاملات الناس و حاسه اني بقيت من الحفريات

اصلي اللي جوه ينط يطلع بره من غير زواق حتي في الشغل و لا بيهمني و علي فكره ده صح لانه اقصر الطرق هي الصراحه والوضوح

يا خبر الدنيا بقيت صعبه اوي ..و اللي يفكر هيلاقي اخرتها ايه ولا تستاهل و الله لف و دوران

خلينا نعيش ببساطه اكتر بدل ما طكلنا بقينا بنعاني من شد عصبي مستمر من بعضنا و كل بنشكي من بعضنا كاننا كلنا غلطانين

بس الاكيد ان الدنيا بريئه من ده

من زمان بحب أغني

الله علي حبك انت .......يا رب

مبحش غيرك أنت .......يا رب

و الدنيا عندي انت .......يا رب

و الدنيا عليك شويه .....يا رب و لا تكفي عشان أعبدك حق عبادتك

بحبك يا رب

بحبك يا رب

و أجمل شيء لما ربنا يبعت للواحد اشاره علي انه بيحبه

لسه عايزة..لسه بيغفر له

لسه بيقوله انت عبدي و لن اطردك من رحمتي مهما فعلت

لا أجد الا ان اقول ..احبك ربي احبك ..و لااتمني الا ان ترضي عني

سته و تلاتين دقه قلب ..من قلب لسه بينبض

ImageChef.com Poetry Blender

احب ان اقولكم اني عيد ميلادي بكره .......

ميررررررسي لكل الناس اللي بيقولوا كل

سنه و انتي طيبه

بس بجد احساس غريب و انا ببدا سنه جديده تكاد تكون حاسمه ؟؟مش عارفه ليه حاسمه يمكن عشان هبتيدي اول سنه هتوصلني لسن جديده مش سهله ..يمكن عشان بجد مرحله جديده في حياتي

المفروض اقف و احاسب نفسي و مش عارفه ايه و اقول عملت ايه و لسه هعمل ايه

يمكن لان مش سهل ان الواحد يوصل للعمر ده و هو مش محقق كل احلامه

يمكن لاني ببص الاقي السنه اللي فاتت كانت سنه مهمه اوي في حياتي ..على الصعيدين الدولي و المحلي علي راي نشرات الاخبار

يمكن لاني لسه ما حققتش اجمل حلم ليه في اني يبقي عندي كائن صغير قمر يقولي ماما

يمكن عشان زهقت من كل ما اقابل حد و يسالني انتي عندك كام سنه و لا حضرتك يا باشمهندسه دفعة كام ..الاقي ضبهه وقع لتحت و عنيه بحلقت فيه و يقولي مش باين عليكي خااالص ..طيب اعمل ايه اعمل عمليه تجميل تكبرني شويه ..و الله هم يبكي و هم يضحك

يمكن لاني زهقت جدا مووت خالص من ان كل ما اروح فرح حد من العيال اولادي اللي كانوا اول امبارح بيلعبوا في حجري الاقي نظرات من الحرج في عيون خالاتي و خيلاني و امي اللي الله يكون في عونها

و لا اقولكم ايه ..ده انا دخلت عند غاده برايد لاقيتها يا حول الله عامله ايه عشان وصلت ال 30 مش تراعي شعورنا كده برضه يا برايد مكنش العشم يا اختي و الله ده الواحد بطل علي كده و مش واخد باله

و لا ايه الناس بقي اللطاف اللي بيخبوا عليه انه بنتهم هتتجوز اصلي طلعت عيني وحشه اذ فجاه و الله و الا بعض من كنت اعتقد انه اصدقاء لما اتصل فيفضلوا يقولوا عندنا مشاكل وووو في ايه يا جماعه حد قال لكم اني ماشيه اشد في شعري و اتجننت و لبست جلبايه مقطعه و سبت الهندسه و قاعده ببيع فل وورد في الاشارات ما تحترموا نفسيتكم المعقده

و الله و الله ما حد صعبان عليه الا امي حببتي الست يا عني هتفر من عنيها الدمعه و هي يا حببت يبتقولي عايزة هديه ايه السنه دي قلت لها ميرسي يا ماما و الله ما عايزة حاجه ..نفسي بس اسعدها

بس سيبكم من الهم الازلي بتاع قصه الجواز اللي تزهق دي خصوصا بعد الحمد لله ما بقي كل اللي يعرفني ما يتقدمليش بحجه جديده نوووفي و هي ان مستوايا عالي ..الحمد لله ..يا ريت الواحد كان اخد دبلون تجاره و عاش عيشه فل و اتجوز عبد السميع الميكانيكي

بس بعيد عن كلام الناس اللي لا بيقدم و لا ياخر علي راي الاغنيه ...لحمد لله علي نعمه ربنا

و الاهم عندي ..اني و بجد حاسه ان لسه عندي قلب بيعرف يحب الناس و الاطفال و القرايب ..و الحمد لله بفرح لهم و بيهم

و الاهم ان قلبي الصغنون ده - في رايي - انا حره في قلبي ..لسه بيدق ..لسه بينبض

و كل سنه و انا طيبه

أقرب الاصدقاء و أجمل الاخوات..نواره حياتي

رزقني الله بأخت فاضله أحبها كثيرا

مكنتش متصورة اني يكون لي صداقه بالفعل من هذا العالم الغريب عالم الانترنت
تعرفت عليها من أكتر من سنتين

الاول كنا اصحاب عاديين نتكلم احيانا نبعد احيانا نلاقي بعض صدفه
لكن في السنه الاخيره بقينا اخوات بجد

بقييت صديقتي و اختي و كل شيء

هي أقرب للملاك من البشر ..هي أجمل من رأيت من البنات

هي ملائكيه الصفات ..في زمن قل او انعدم فيه الانسان فما بالكم بالملايكه

و الله مببالغ هي صفاتها حلوة اووي

متدينه اوووي و بتشدني اووي لربنا و لطريق ربنا

و بيتدعيلي لما احتاج الدعاء..في مرة اقامت الليل عشان كنت مضايقه

شوفتوا لسه في حد كده ..و الله قمر و بنوته عسوله و نفسيتها حلوة اوووي

ربنا يكرمها يا رب و يديها كل ما تتمني و يديها من يفرح بيه قلبها و تقر بيه عينها

هي نواره حياتي ..للأسف ممكن تبعد عني لفتره بسبب ظروف النت عندها

يااااااااااااااااااااااااااااااااااااااااااااااااااه هتوحشيني يا نواره حياتي

بس هفضل أفتكرك كل يوم و أدعيلك ربنا يكرمك علي قد قلبك الطيب

الي كل أدم ..الي كل حنان

أدم هو و هي حنان ..حنان ..حنان

شاف جنتهم في الامكان

هم اتنين حبيبين نبض القلب و ضي العين

سحر عيونهم يحيي قلوب و ابتسامتهم تمحي ذنوب لو يوم لمسوا الصخر يدووووب

خلين ورا موج و بحار و اجهوا و عدوا صحرا و نار

أدم ضم الكون لحنان ..ظهر الاخضر في الالوان

و الانسان اصبح انسان ..همست بأسم الحب حنان

ضمني حسسني بوجودك ..هات ايدك يصاحبني خلوودك

خد قلبي و ياك في صعودك

هم حكايه كل اتنين..كانوا ضحتنا صبحوا دموعنا

و بقوا في عز الضلمه شموعنا

أدم هو و هي حنان ..حلم الحب في كل زمان

عام جديد ..علي المسلمين

عام جديد ..بس مش قادره اقول لحد بقلب كل سنه و انت طيب

بس قلت اقول برضه ..كل سنه و كل الناس بخير

بس اللي بيحصل في غزة مخلي الواحد كاره الدنيا

ربنا ينصرهم ..و هو اضعف الايمان

بجد حتي الواحد حاسس انه مشاكله صغرت في عنيه

مش لاقيه كلام غير ..ربنا يقوي المسلمين

يا رب أعز الاسلام ..فأنت وحدك القااااااااااااااادر